شيرة خالية من السكر

هالوصفه خذت منا وقت وحاولنا نخليها كثر مانقدر تكون مشابهه للشيره العاديه من حيث الطعم و القوام و علشان تستمتعون بالشيره الصحيه بدون سعراتها الحراريه وبدون تأثيرتها على سكر الدم، تقدر تستخدمها بالحلويات العربيه مثل الكنافه البقلاوة الخ، او بأي طريقة انت حاب، ممكن تستخدم المنكهات عند عمل للشيره مثل الهيل او الزعفران

المقادير:

١/٢ كوب محلي نايا ستيڤيا

٣/٤ كوب ماء

١/٨ ملعقة شاي صمغ زانثان

هيل و زعفران "اختياري حسب الرغبة"

الطريقة:

- نحط الماء و المحلي على نار متوسطة و نحرك لما يذوب المحلي تماما نضيف المنكهات اذا حابين تستخدمونهم و نخليه لما يغلي نوطي النار ونخليه ٥ دقايق.

- نرفع القطر عن النار و نضيف الصمغ و نحرك لما يمتزج و يذوب "ممكن ياخذ منكم وقت عشان يذوب او يظل فيه قطع صغيره" نشخل القطرعشان نتخلص من قطع الصمغ الي ما ذابت و يفضل بعدها نخلطه بالخلاط اليدوي عشان القوام يكون متجانس و توزيع الصمغ يكون متساوي.

- ممكن نحتفظ بالقطر او الشيره لمده ١٠ ايام